SITE LOGO
Главная | Каталог статей | Регистрация | Вход
 
Пятница, 29.03.2024, 08:20
Приветствую Вас Гость | RSS
Меню сайта
Категории каталога
Мои статьи [57]
Наш опрос
Оцените мой сайт
Всего ответов: 172
Главная » Статьи » Мои статьи

СЛОВАРЬ ЭРЗЯНСКОЙ ЭТНОДУХОВНОСТИ
>Видемадо икеле лисемань озкс-Те озксось ютавтови Инечинь Покшчитнеде мейле, знярдо мадась эжи ды Анок видемань тевтнене. Ютавтови сон чачи од ковонь читнестэ, теде икеле уштови баня веси буень(ве кудонь) ломантне шлить –нардыть, оршнить ванькс –од оршамопельть. Азоравась пани лувкши, пиди каша, поза-пуре, сараз алт, аци од викшнезь мазы кшируця морга лангс, валске ланга веси кудораськетне пурнавить озкс морганть икеле, чилисема енов ванозь. Сыре Атясь. Бабась кирвасьтсы буень штатолонть ды ушодсы ознома коенть , мельганзо озолма валтнень евтыть веси кудораськень ломанте.
Инешкипаз, Вере Чипаз! Норовава-Норовпаз!
Моли видеема. Мезе каяви мода лангс-чачозо;
Макст, Инешкипаз-трицянок, ванстыцянок,
Понав сант, келей лопат , эчке олго,
Кувака прят, ттюжа пешксе зернат!
Лопадонзо ламо макст, Верепаз-трицянок,
Кучт лембе пиземнеть, сэтьме варма, маней чить.
Инешкипаз! Иля нолда благой пиземе,
Иля нолда стака варма, чавиця цярахман.
Ванстомизь, Верепаз-трицянок, суксто, унжадо, кельмень прамодо.
Макст, Верепаз-трицянок, паксяс тусто сюрот,
Пирес пешксе пандят, утомс пешксе сусикть;
Макст сокийне-видийне, пирень-чувийне шумбрань Пар очи,
Икелев молий тевть;
Макст паро вастома, паро арсемат, макст сокань таргикс паро алаша!
Макст коймень кирди , виев кедть.
Чачозо , Верепаз –тирянок, эрьва мезесь , эрьвейкень лемс,
Кить улить кудосонок (евтавить весень лемест);
Чачозо , Верепаз-тирянок, раськень –малавиксэнь лемс,
Лисинь-совинь лемс, пурныцянь-пиштицянь, аразьчисэ эрицянь лемс;
Килдематнень, ракшатнень, кшнынь айгортнень лемс!
Инешкипаз! Саик ашо кедьсэть, паро мельсэть Монь озксом!
Мон макса ве кедьсэ, Тон, саик кавтосо!
Мон озномам а кадан, тон трямот иляк кадт!
Паз, Чангодть! Инешкипаз, Чангодть! Вере Чипаз, чангодть! Паз, чангодть! (Веси сюконить, ды варчасызь озкспалонь ярсамопельтнень )
Теде мейле каяви чакшос каша, саевить алт ды озветийсь паксяв-пирев лисецятнень марто , васня пире чиресе шумбраксни мастораванть марто каи каша пенч ды мери ; - Зняро кашасонть ямснеде . зняроксть покшолгадозо видевксенек, ( вали мода потс сараз ал ды мери) Мазы алшка чачозо сюронок, Паз, Чангодть! Паз , чангодть! Паз , Чангодть! Теке коесь ютавтови умапесе.

Вийшкиэрий-сон стувтозь неень эрзянь кельсэ кезерень вал, колмо валсто вий+ шкинемс+эриця – виень шкинезь эриця ломань-эрзянь шаман.
Ныне практически редко употребляемое сложносоставное слово, вий-сила+ шкинема,шкиемс-творить+ эрий, эриця-живущий , буквально человек творящий силу- эрзянский шаман.
Викшнема-викшнема валось пек кезезерень теезь кавто валсто вий+шкинемс , эдь викшницясь тешкч\стыль тешкст конататне путылизе оймеежовиензе, тешкстыль пазонь вий тешкст.
Вирява( виренькирди, вирьатя)-вирьтнень лангсо азорава.
Держательница(держатель леса)
Γ Г

D
Дюния(тюния)-апак учонь сескень тев.
Неожиданное обстоятельство, нелепица.
Душман-ят , берянь ломань сон сась келезенек тюркань кельстэ, душман вий –истя мерекшнынь апапро вийтнень ды апак учонь берянь тевтнень.
Буквальный перевод: враг, вражеские - темные силы, в эрзянском языке это заимствованное тюрское слово.
Е
Ендолпаз, ендолгирди-ендолонь ды менель толонь азор.
Держатель молнии и небесного огня .

З
Зехель - вармине, сувтамонь тантей чине
Ветерок, аромат, благовоние.
Зорява-Чилисема валскенть , од чинть ушодама азорава.
Хозяка утренней зари, чаще употребляется в произношении как чилисема-восход. Все моления практически проводятся на восток-восход.

Зыян-Тюркань кельстэ сазь вал сонзо лувозо берянь тев-кажо.
Тюрское слово означающее буквально беду, вред, плохое намерение , зло.
И
Идемэвсь-Инешкипазонь каршо молиця –тюриця вий идем вий. Чопуда вийтнень покшост.
Темная сила противостаящая Творцу, Хозяин злых сил Сатана, дьявол.
Ие-иень ковкерькс. Эрзятне кода лия раськетнедяк шканть явить иес,
Иесэнть ниле пелькст : тундо, кизе, сексь, теле. Эрьва ие пельксень колмо ковонзо, весемезе иесэнь 12-во ковт. Эрьва ковсонть ниле таргот(недлят). Кезерень пингетнестэ иесь ушодовиль авуль якшамговсто, ушодовиль эзюрковсто-тунда.Эдь раськень оймежомарямочисэ иесь сюлмавозь ломаненть эрямо лувонзо марто. Ломанесь ушодсы эрямопингензе чачомсто, тундонь шкане ушоды перьтьпельксэнть сыргоземазо ды од чачома касома, те прок ломанень эйкакшпинге, кизесь мазый . веси тевтне эрямо енксне лаказь-лакить те прок од ломанень шка, сексесь –иенть кенерезь, превиязь шказо, прок ломанесь, коната эрямосонзо чапсь кудо, таштась, сюпавчи, кастась ды тонавсь эйкакшт, телесь прок шержей пря ломань, кона пурны оймсеме.
Эрзятне свал озныть чилсема енов, кудокеншнеяк эрси теезь чилисема енов, те тундо одсчачума оймсе-тевсе мезеньдяк ушодома. Кулознень калмильть пряст ульнесть пелевенкс енов, теленть, оймсеманть енов.
Ушодтано эйкашпингесте –тундонь ковтнестэ, Чипаесь чиде-чис эжди яла виевсте, читне кармить кувалгадомо, телень сундерькстне потамо.Чикуншкасто латочиретнестэ ушоды солы ведень кольгома, чопоньбелев сынь кельмить ды теевить эйзюрокс(сосулькакс) нама кода чарькодиде те ковось лемдяви эйзюрговокс (март).Те ковстонть ютавтовить покшчить ды кенярьксчить конатат алтазь норовжорчонь-нарминень тедемантень, ды телень якшамотнень панемантень, ды теленть меельцеде арнемантень киряксневманзо алашасо.
Ванна телесь ушоды потамо, пандо прятнесте саезь ловось ушоды соламо, паксятне витне ушодыть сыргозема. Соллы ведесь пештясынзе лейтнень, латкотнень чадыведьте нама те ковонть лемди чадыковокс(апрель) те ковстонть панжсынзе эсинзе цецянзо эрьбась, ушоды пувамо варма. Сась шка юавтомс Эрьба чинть, Вармавантень Озксонть. Ушосонть кельме модась карми эжеме, ушодыть чувтнесэ пургондовкст. Васенце тундонь балягинетне прок чипайнеть оймелгавтыть ломаненть , сась шка перьтпельксентень вельмема, кода эрзянь раськентеяк чадыковонь 16-це чистенть Модамасторлангсо эриця эрзятне ютавтыть Эрзянь Келень, ЭрзяньОймень, Эрзянь Лувонь вельмевтема Покшчи. Яла теке вемберть пракшныть кельметь, ды нама эряви КельмеАтянтень сюконямс каванямс куслядо илинзе чаво кельмсэ озиптнень, ды пургондыця , чувтотнень, нама сась шка вешнемс седи курокке тундонть. Серьгедемс, тердемс. Васенцеде кудазортне ливсызь ракшаст ушов, теледентьмейле, етыть сюпрят Кардаз-Сярконтень, Авнявантень.Вано Вень кельметне прядовить, веси модамасторось пешкеди од касовксто, эряви ливамс покштятнень-сэрдятнень лемест.
Сы модамасторонь сыргозема Инечись, паряк кучомс вастоманзо од ломантнень.
Инечись сы васолдо, ды туи мартонозо эрьва кодат мазый тюсонь казнет, панжсы корьмакай Мастораванть. Сельме икеле касыть ды панжить пургондавкстне, эрьва чувтось. куракшосЬ. Тикшесэльгинесь бажи-венсти сырнензе Чипаентенть, Масторавсь сыргойзь панжовсь те ковонть лемезе панжиков (Май).Эрзятне ютавтыть Покшчить Инечинть. Атянь_Авань пуре озкстнень, ливтема-совавтома озкснень, видемадо икеле озкстнень, кавто таргонь перть молить покшчитне. Ильтясызь ды евтыть сюкпрят Инечинтень. Ушодыть сокамо-видеме, ковонть прядовомс малав веси видематне прядовить ды ютавтови видемадо-мейле озкс, теить од тол.
Ванна нармутне, калтне, идем ды кудо ракшатне ушодыть раштамо, сынтс токшемс а эряви, оцинямс, калонь кундсемс а эряви эдь кундат чават ды кадат урозокс пиштяка ракша-нармунь левкст, сынь тетя-ававтомо кулыть, теят кода сынест истя эстеть зыян, эдь мейле оцинямс а Ки лангс карми. Ды паксясояк семс важодяма тевть арась, сась шка топатомс кудонь-аштема тевтнень, ленгень анокстамо, викшнеме-стамо, сурень кодамо, эйкакшнень истямо тевс тонавтомо, эрзянь койтнень марто содавтомо секскак нама те ковонть лемезе Аштемгов. Те ковонть прядовома лангсо Чипаесь ушоды Аштеме, ветне тунь нурькалгадыть. Сась шка ютавтомс вейсэнь велень Покшчитнень, Озкстнень, васняяк тердемс Кизенть, Ливамс Сэрдятнень лемест, аштемковонь 21-це чистенть ушодыть покш чить.
Ванна масторавинесь карми каземе ломантнене эрьва кодат казнеть тантейкакт, мастумарьть, кстыйть, якстере ды раужо чукшторовонь тансть, вирьавась пангинесеяк ушоды ломантнень каванямо, мешкне бизмолдозь кандыть пизезест медь, шта. Пекшень цецятнесте а евтавияк кодамо таньсть зехель качады вейке валсо мердяно те ковлось тантей ды сась шка васенце меденть саемась, секскак те ковонть лемезе медьгов(июль) те ковстонть нама поладови эрзхзянь Покшчитнень ютавтомась. Те Килей озкс, Перя озкс, бабань каша, ды седи тов.
Ванна умарьтне ушодыть терьдеме каванямо ломантнень умарьсест,
Эрзятне ютавтыть Умарь озкс, ковоньдяк лемдизь покшяноко умаоьековокс (август), умарьковонь прядовомсто ушодыть видеме розь, знярдо те тевест прядови ютавтови лишмень озкс. Ломантне поладыть норовонь, пирень паксянь касовксонь пурнамо, ды путомо соензо ванстомо таштамо.Эдь раськенть эрямозо сюлмавозь ярсамопеленть улемадо марто. Сексень васенце ковонть прядовомас ярсамопелень таштамось малав прядовиль, таргавилть якстерькайтне,модамарьтне, пурькатне, урядави канстесь. Аштемковонь 14-це чисте ютавтови Нороваване Озкс. Те ковонть нама кода чарькодиде лемдить таштамгоаокс(сентябрь).
Ушодыть пиземеть, читне яла нурькиньгадыть, васенце кельметь ушодыть токамо мастораванок, натой микки васенце ловостьдяк аламнес ацакшнысы модамасторонть. Чувтне ды куракшне оршнить сырнень оршамолельть, веси сынь мазы ожо-якстере тюссю, секскак нама те ковонть лемдить ожоков(октябрь).
Ванна читне доброк нурькалгадыть, пувить кельме вармат, менелганть уить стакат теке кивень пельть, конатнень пачк Чипаенть налтнене пек стака вадяшамс масторавань, чинь Чоп прок свалшкань сунджерькс секскак нама те ковнть покштянок лемдизь сундерьковокс(ноябрь).
Састынькине сы телесь, Кельме атянть марто, мода масторонь ацасы ашо палясо ловсо, иляст кельме видевкстне ды чувтне. Те ковонть эрзятне лемдить ацамков( декабрь). Те ковонть прядовома лангсо маряви весь доброк изнясмы чинть, читне пек нурькинеть, 21-це чисте ушоды чинь Раштамось, эрзятне ушодыть ютавтомо эрьва кодат койть конат лездыть раштыця чинть азорксчинзе виевгавманзо, ютавтневить озкс, панить пачалксеть, кирякснить. Куш чизе велявты кизенть енов, якшаматясь седияк виелгавтсы коронзо, сы сехти кельме-якшамо ковось якшамгов(январь). Эрзятне пряст а максыть ютавтыть ламо покшчить ды озкст кельменть панемга Тавунсяй, Калядат, Од иень покшчить, Шаньгат, мунямкат, ноготонь каямкат. Ванна пелевендо варматне кармить полавтомо пувамост эрьва енов, кандыловось тейни ловонь кард, китнень валясынзе, сонензе мерить даволков (февраль), мерекшныть таго «кичкере кинь шка», якшамосьдяк невтни меельце пеензе, яла теке а куватьс кадовсь тензе азаргалемс, кавто колмо таргонь ютазь чипаесь изнясы. Ванна истят лемест эрзякс ковтнень, нама сынь седи домкасто невтить иеньковкерьксенть лемтнень эрзянь раськенть эрямолувонзо ды пертьпельксенть марто сюлмавомась. Знярдо бути иетнень лемесдяк ульнесть эсист авуль неень шкань ладсо, мердяно ютазь иесте чачокшность пек ламо пештет, лемдилизь ютазь иенть Пеште ие, ды седи тов. Таргось-недлясь, эрзянь кельсэ нама улить таргонь читнень эсист лемест. Седи кезеренстнен стувтовсть, ансяк ванна малав 20 иеть , ладявсь таргонь лемненть эрзякс лемдямл лувось.
Таргось ушодсы кинзе –Атяньчисэ(понедельник), Атясь кудазорось , валске ланга те чинть арселизе-путолизе весемене кудораськенте тевтнень конатат сави топавтомс тн таргостонть.
Таргонь омбоце чись Вастаньчи(вторник).-авань чи , те чистенть кудазоравсь лездынцянзо марто ушодыль таргонькудоютконь топатома тевтнень.Те чистенть сеедьсте якильть урьвань чиявтома.
Таргонь колмоце чись те Куншкачи (среда) таргонть куншказо.
Таргонть нилеце чизе сюлмавозь првославиясто сазь койтне марто сон эрсиль постной чикс, сывельде а меревиль ярсамс ансяк калдо секскак лемезе Калоньчи(четверг).
Таргонь ветеце чись сюлмавозь эрзятнень кезерьпингсте саезь сэрдятнень лемест кундамо марто, озксонь ютавтома марто секскак сонзе лемезе Сюконьчи (пятниця) сюконямс, чекамс-покамс, ливамс.
Таргонь котоце читнесте велесэнь уштовить банят ды ломатне шлить-нардыть банясо тердить сэрдятненьдяк шлямо те чинь лемезе Шлямочи(суббота). Таргонть пряды оймсема- юткочи Таргочи(воскресенье). Меельцеукс эряви меремс седее, ламотнене эрзянь раськестенть, ковкерьксень лемтне, ды таргочинь лемтне седи сейэждицят ды малавикст, сынь теть лемтне сеедесте вастневить эрзянь газетатнесэ, журналтнесэ, сермадейтень важодемасост. Теть валтнень ули сы шкаст. Ансяк улить каршо молицят, натой микки сеть ломантне конатнене ладяволь мекевланг ваньскавтомс келенек од лия кельсте сазь ды а кандыця лув валдо, кода мерить эрзятне сынь раськень миицят ды сынст згилямост лангс ваномс а эряви эдь минек марто Инешкипазось.

Ила-кой,кирда, лув.
Ритуал, обычай, обряд.
Ильяньчи-
Инечи-
Инечинь ильтямо. Веси эрицятне ливтьсызь «Инечинть» чивалгома пелев велень пень видьс, седее тов мереви молемс ансяк од тейтертнене. Теде икеле чинть веленть песе теить олгонь губорь, конась мейле кирвастеви, Тейтертне «Инечинть» ильтямсто морыть пазморот.
Инешкипазонь тетерезе, Верепазонь азравказо,
Инешкипазось Тонь кучинзеть мастор ланганзо якамо.
Сисемь чинеть якавтыдизь. Сась ней шкат мекев туеме,
Эсь кудозот, эсь чинезеть, эсь тарказот –эземезэть,
Инешкипазонь путонь кудос таго тиринь Тонь тетянень.
Кундакая кедьбезэнек, адякая тон мартонок,
Минек ютазь Инечинек.
Инешкипазонть валгсь чинезэ.
Чивалгомав ветятадызь, пиже лугас ильтятадызь.
Туят пиже лугинева, мазы цеця юткинева.
Иень перть ней тон кадсамизь, омбонь тешкас ней тон а сат,
Инечинь чис прят а невтят.
Кода сы сон, омбонь те шкась, пурнавттано тейтерьть –какат,
Мазыйнестэ оршнетяно, ведра пия пештятано, мазый Моро серьгедтяно,
Таго каршо вастатадызь, велезенек ветятадызь.
Инечинть меельцеде каваннить пиясо сюконить тензе кода вастомстонзояк. Тейтертне мекев велявтыть велев. Инечись ськамонзо туи паксетнева, туи сельмс емамос, велев сон велявты иень ютазь. Инечинь ильтицятне морыть олгонь толбандянть перька кедьде-кедьс кундазь.
Паро боярт лелянок, боярават урянок,
Инечиненть ильтинек, мазычиненть кучинек
Пиже мазы лугава, мазы цеця юткова
Инешкипазнень, тетянстэнь, Верепазнень кучинстэнь.
Инешкипазнень сон моли, иень перть мекев а сы.
Иень ютазь таго сы . Чилисема сон ендо,
Кецякавтсы веленек, мазылгавтсы кужонок.

Иневанькс
Иневалдо
Инелгавтнемс
Инелма
Инечадо
Иненармунь-Инешкипазонь мелень топавтыця, чачтынзе Нороваванть, Масторапванть, Велеаванть,Вармааваннть, Кудаванть,Вирьаванть, кардаз Сярконть.
Буквально Великая птица, которая помагала в творении Вселенной Творцу, для землян, сотворила держателей помощников для обитания и преумножения рода человеческого, Святой Дух.
Инешкиава-Инешкипазонь ни, ине Пазава.
Великая женжина _ принцип женского начала.
Инешкипаз- Инешкипаз Менельтомбальксенть, Модамосторонть, эрямонть шкиниця , эрямолувонть максыця азор пертьпельксень ды эрямоенксонь кирдийтнень лангсо азоро, теевсь колмо валсто Ине + шки+ паз.
Творец, всевышний, Единый Бог. Состоит из трех слов Ине-Великий+ Шки+ творение+ Паз – гланый хозяин , Великий Единый Творец.
Иньванькс-
Инечинь килеень озкс-
К
Кайга (элекайга)
Кайге

Кадмопарь- Чувтосто каразь парь козонь лемень кундамо шкане , кулозенте путовить лемень кундамо озкспал, конань мейле каясызь калмо лансг, кадмопаресь ды кедгетне саевить кудов.
Выдолбленная из цельного ствола ритуальнвая кадушка, куда во время поминок складываются для покойного кусочки ритуальной поминальной пищи, После поминок содержимое кадки вытряхивают на могилу, кадку и посуду уносят с собой.
Кажо(пежеть)- зыян, апаро тев, конатанть тейни эрямосонзо сонсь ломанесь, покурдамо, сельмень сявадома,
Калмамо кой-
Калмо, калмоланго, калмазырь-
Калмонь кирди, калмава, калматя-
Калядань чи-
Калядамо-
Каль атя- калень кирдий.
Держатель ив.
Кан
Канст-
Мед-медь, медьарво, брага- напиток богов-сома. Мед символизирует мудрость, он наделяется значениями перерождения или изменения личности в результате посвящения во время таинства обряда. Символизирует идею невозможности овладения высшими знаниями без страданий, самопожертвования , без которого не будет духовного саморазвития. Мед асоциируется с солнцем, с огнем в творении. Пчелы (мекшт) со своим укладом жизнедеятельности
ассоциируются с Ине лувом, правильным порядком и соблюдением законов Творца. Поэтому после Озксов Озатя всегда причащал медьарво и ритуальной брагой сделанными на основе меда всех пришедших на Озкс.
Яйцо- Яйцо символизирует зарождение , тайну жизни, символ бессмертия .В нем заключается духовный смысл тайного роста внутри скорлупы , скрытую идею и помыслы. Символ мироздания и творения.
Лувкши- ритуальный хлеб, который готовится с молитвами, его еще называют Шумбракши-хлеб здоровья. В некоторых случаях он украштвается при выпечке символами.
Пачалксеть, пажалат- Блины имеют форму круга символизируют своего рода годовой цикл, а так же блины похожи на солнце, основную звезду влияющую на жизнь на земле, по этому блины наряду с хлебом являются одним из главных элементов озкспала.
Каши- каши готовят из пшена, гречки и других круп. Каша в целом символизирует богатство, сколько в каше зерен пусть столько будет нового в делах духовных и материальных благ.
Прякат, сюкорот, панжакат и т.д.- готовятся пироги с разными начинками скапустой, творогом, рыбой как открытые так и закрытые, этим самым обществ искренне преподносит держателям и предкам разнообразную пищу, благодаря их за благосклонность и за помощь в укладе хозяйственной деятельности общины.
Жертвенное животное (Озкспалонь ракшат)- Бык, овечки-ревет,(желательно одномастные), саразт-кур, галат-гуси, калт-
рыба (щука-нучко, сом-), диких лесных животных в жертву не приносили потому что их взрастила и вскормила природная стихия, человек не прикладывал труда в их взращивании.

Кардаз-сярко(кардазава)- кардазонь кирдиця.Сон Эри кардайзсэ, ды лезды кудазортнене ванстом кудонь ракшатнень.
Дух хранитель двора.
Кардаз-сярконь озкс- кудоютконь озкс, натась алтави Кадонькирдиентень. Сонзе ютавтни Кудазоравась , эрьва эрзянь кудосонть кардазонь ортатнень маласо ули Кардо –Сярконь кев, конань ало чувозь варя ков нолдневи печкезь ракшатнень верь. Кардосонь Кардаз-сярконь лавське (перекладина).
Сексня знярдо сы шка ракшатнень пекстам телене. Кардазось ацави ванькс од олгосо. Кудазоравась пани Шумбракши, суронь пачалксеть, пиди ревень сывель, чакш пуре. Веси те аноксонть путсы од кшируцясо ацазь чувтосто каразь очкос кивасти штатол ды сырги кардазов, саи мартонзо эйкакшт, цера ломаннень те озксонть ютавтомсто кудосо улемс а эрявкшы. Очконть аноксонть марто кудазоравась путсы чилисема енов кардоужонте ктивазьсы штатолонть ды ушодсы озксонть.
Я, Паз, Чангодть! Инешкипаз, Чангодть!
Кардонькирди . Кардаз-Сярко авакай!
Ракшань- вансты, ракшань-рашты, тирякай!
Вана аноксстувор, теть ливтинь,
Мазый руцясо ацынь, шумбракшине,
Теть, путынь, вадря реве лемезеть печкинь,
Пазонь штатол арнемазот кирвазтинь.
Пачкодезе Монь озксом, саезь улезе озкспалом.
Ашо кеднесе пидезь, шожча мельне панезь,
Умок учить, тон сынст эйсэ, саить курок паро мельсэ.
Мезе вешан сень тон макст, Мезде пелян сеньде ванст.
Вешан кедьстет мон ракшат, виев шумбра алашат,
Келей пильге , парь одарт, ламо ловсов- вазов скалт,
Чевте пона ревинеть, алыиця саразнеть,
Пандо сталмошка тувот,
Дигат. Яксяргот, куркат.
Весе улест сынь шумбрат!
Ванстыть ракшань салыйде,
Стака равжо сельмеде,
Муний ракшань колыйде,
Душман ломань якийде.
Паз , чангодть ! Паз чангодть!
Азоравась саи сюронь пачалксе , лангозонзо путы пидезь сывель Шумбракши пелькс, пусынзе Кардо –Сярконь лавсянтень ,пурги колмоксть пуреде. Ды мери:- « Саик-марик озксом, Кардонь кирди тирякай, пекинеть пештик, мельнет топавтык, озкспалсом Кардаз-Сярко авакай. Лездак ракшатнене шумбрасто –парсто ютавтомс теленть.Паз, чангодть! Инешкипаз чангодть!
Кадовикс ярсамопельтнень очкосонть азоравась соватсы кудов косо чинькуншкане кудораськесь каваняви озкспалсонть. Шумбакшинть пелензе азоравась кадсы чокшне ракшатнень чагнстямга сувтага,
Пачалго лангс чокне каявить сувтамо тикшеть памордязь шумбракшинь пелькст, каштомсто таргавить колмо тонолнеть, саеви колмл чевкскеть ды кечесэ брага. Лездыцякс азоравась саи мартонзо эйкакш. Знярдо чизе валги азоравась сови кардонтенть сыремтьсы сувтамканть сувтасынзе веси ракшатнень, максы тенст шумбракшинь пелькст , сыремтезь колмо чевкстнень пачк пурги пуресэ, васняяк алашатнень, скалтнень, реветнень ды мейле кудо нармутнень ланга ды мери: -«Паз чангодть! Уледе шумбрат ды раштыйть, Пазонть марто вадринестэ ютавтынк теленть, кунсолодо Кардо-Сярконть! Паз, чангодть!» Сюконить колмоксть ды лисить кардостонть пекстасызь тиндерьс.

Кармавтома

Кастарго-превейчинь максыця пазава.
Богиня знаний и мудрости.
Каштомава(каштомкирди)-пидемань-панемань койтнень лангсо азорава,каштом икеле тевтнень кис мелявтыця. Толонь-лембень кирдиця.
Держательница очага, буквально переводится как хозяка-держательница печи, помогает при приготовлении пищи, создает тепло и уют в доме.

Каштомавань озкскетне- Каштомавань мелензе топавтомазо, сонензе озкске ютавтнемась канды покш лезе азоравтнене. Неень шкане шкатомось полавтовсь модапотмонь палыйкоштсо (природный газ), яла теке каштомава ули, ды газонькаштомонть икелеяк паро ютавтомс теть озкскетне. Панема-пидемадо икеле азоравась пшкади каштомавантенть.
Я. Паз , чангодть!Каштомава , авака!
Каштомонь кирди сияка!
Монь пшакидимам марика,
Энялдомам топатыка.
Вельть паросто тон пиди,
Вельть вадрясто тон пани,
Или пулта сынст лангост,
Или сынст алксост.
Сюкпря теть мелень путомга,
Сюкпря теть монень лездамга.
Знярдо ярсамопельтне пить –паневить, евтыть сюпрянь озолмине.
Каштомава, авака!
Каштомонь кирди сияка!
Сюпрять тонеть мон евтан.
Вельть вадрясто тон пидить,
Вельть паросто тон панить.
Эзить чентя сынст алксост,
Эзить пулта сынст верьксэст.
Пазчангодт! Пазчангодт1 Пазчангодт!
Покшчитненень озкспалонь ярсамопельтнеь анокстамодо мейле васенце озкспалось максови кАштомавантень. Азоравась путы озкспал пелькс (неень шкане паро кедьге лангс газонь панема каштомонть потс) ды мери:- «Каштомава, авакай! Тон пидить-панить, Тонеть васенце озно озкспалонок! Паз, чангодть!
Зярдо аумок чачозь эйдесь аварди, пижни веньберть. Эйденть шлясызь-нардасызь ведьбрясо, путсызь чувто койме лангс ды панжсызь каштомонть тонгсызь эйденть чувто койме лангсо каштомонтень ды мерить:- «Я, Паз. Чангодть! Каштомава авака! Ванстык эйденть симемстэ, ванстык эйденть ярсамсто, ванстык эйденть удомсто. Паз чангодть! Паз чангодть!
Кеж пандома
Кельме-атя-Кельмень прявт-кирдий.
Буквально переводится как Дед Мороз, держатель холода.

Кемекставкс
Кенкшава (кенкшень кирди)-
Кенярьксчи (покшчи)-
Кереметь- Те валось сась эрзянь кельс тюркань кельсте, сетнене арабонь, ваюрозо диваньтевть. Кереметь валсо кува-кува эрзянь велетнесэ лемдильть Репештятнень Озкс ютавтома таркатнень.
Тюрско-арабское заимствование означащее диво, тайные волшебные дела, В некоторых эрзянских селениях соседями которых являются чуваши , молельные поляны эрзяне также как и их соседи называли Кереметь, исконно эрзянское название таких полян Озкскужо, мест огороженных для моления Репештя.
Кереметень штатол-вант Атянь. Пазонь Штатол.
Тоже что и Атянь штатол, Пазонь штатол-свеча предков, свеча Бога.

Кереть, сабан озкс-
Керень –чочконь кирди (паз)-чувтонь кудотнень, кардазтнень ды лия мезтнень ванстыця,парочинь ды шумбрачинь кандыця. Кудонь чапицятнене чувстокерсицятнене, вирень сявордыцятне лездыця.
Дух хранитель покровитель плотников, резчиков по дереву, вальщиков леса. Охраняет деревянные постройки приумнажает богатство за счет ремесел связанных с обрабокой дереба, луба, придает здоровье.
Керя поза,Грань озкс,- Видемадо мейле ютавтовиця озкс эрси Инечиде мейле 6 таргонь ютазь.Паксячиресэ вирь маласо Озатясь кочки тарка ( сон эрси свалшкань кезерьпингестэ саезь), улезе чудиведь –лисьмапря ды касост тумот. Велень эрийтне кандыть озкспалкс анокстазь, брага, пуре, алт, сюкорот-прякат, лув-шумбракши, кашат, ды лия ярсамопельть. Веси сынь вачкавить викшнезь руця-нардамо ланга уманть кувалт, вакнтнева кирвастевить эрий толсто штатолт. Арыть чилисема енов , сыре ломантне пульзядо, од ломантне стядо ушодыть озномо-чекамо. Озксветийсь(Озавась. Озатясь) ушодсы озолманть мельганзо евтыть веси озксов сазь ломантне.
Инешкипаз ! Чангодть! Веречипаз Чангодть!
Я, Паз, чангодть! Инешкипаз. Чангодть!
Тон , марицясь, кода тикше кассы,
Тон, неицясь, кода пеште панжи,
Неемизь, марямизь!
Сюконятано пильгезеть,
Пшкадтяновалдо оймезеть:
Макст тенек Маней, лембе кизе,
Сэтьме, лембе пиземеть,
Чачост –касост видевксэнек,
Кенерест сюронок. Эмеженек,
Инешкиппаз1 Марик озксонок,
Менель алга нолдык,
Мастор ланга сравтык,
Чачост сюронок , раштаст ракшанок.
Ки а машты озномо, энялдтано:
Сеньгак озксонзо саик,
Эрьвекене макст Шумбрачи,
Ды икелев молиця тевть!
Паз , Чангодть! Инешкипаз . чангодть!
Паз чангодть! (Озолмась евтави колмоксть)

Озксветийсь пшкади озныцятнене:_- « Эрьга . раськеть , пшкадтяно Норов авантень, марязсо сон минек пшкадеманок» -веси таго евтыть озксветийенть мельга Нороваантень Озолманть.

Норовава-аванок, Норовава –трицянок!
Видезь сюронь ваныйнек, сюроментень максыйнек!
Ванна кшинек-салонок, брага марто чакшонок,
Пуре марто кеченек.
Сюконинек –пульзинек , сюкприненек максынек,
Мвазый лемнеть кундынек.
Сельминесеть неиимизь, пилинесэть марямизь,
Сикприненек неик, анокскенек саик, Норов кеченек симик!
Мезе вештяно, сень макст, мезьде пельдтяно, сеньстэ ыванст!
Вештяно чачи сюрыне, ажияшка зерныне, кенерешка розьбрине,
Ундокскезэст леткине, сетьме Маней пиземне.
Ванстыть душман ломанде, умамежава якийде,
Сюрос сюлмонь сюлмийде, сюроментень саийде;
Ванстыть виев вармадо, даволдо –цярахмандо,
Кольсти-пулты сувнеде, пиже чекарь чеменде,
Ломань пултонь ускийде. Пачкодезе –молезе!
Кода энялдынек истя лисезе! Паз,
Чангодть! Инешкипаз, чангодть! (евтави озолмась колмоксть)

Озолманть евтамодо мейле Озветийсь чанстясынзе палы штатолсо аноксокс алтазь ярсамельтнень, мельганзо молиця лездыцясь эрний-мельванома Покштя перясынзе (токшесынзе) пеельсэ ярсамопельтнень ды мери:

Инешкипаз .чангодть! Паз, чангодть! Паз,
Ванстыть сюронок даволдо!
Паз Чангодть! Инешкипаз, чангодть! Паз,
Иля нолда цярахман!

Озксветийсь ды лездыцянзо саить анокстнесте пенчень пенч каша . каить кечес пуре-брага ды молить Умань чирес каить каша Норовавантень, ды мерить; -«Зняро кашасонть ямкст . зняроксть касост видевксенек, (мода потс валить сараз ал) кодашка те алось истяшка касозо сюрось,(каить моданть ланга пуре) . кода шумбра тантей-кеме пуресь истямокс улест видевкстнень ундоксост. Пазчангод!»
Мейле ушодови вейсэнь ярсамо-семема. Сась шка невтемс Инешкипазонтень ды Норовавантеньозксов сыцятнень кенярксост(озксост марямга) ды шкинемаст , ушодовить налксемат, киштемат, морамо. Чивалгомас моли кенярьксчись , мейле веси сюклнить умантень евтыть сюкпря Инешкипазонтень ды Норовавантень. Стувтозь валтне ума- сюроменть_
Пижень чекерь чемень -

Категория: Мои статьи | Добавил: unknow (09.05.2007) | Автор: Пургазонь Викай
Просмотров: 2242 | Комментарии: 4 | Рейтинг: 5.0/1 |

Всего комментариев: 1
1 Operieeluro  
0
нужно проверить :)

Имя *:
Email *:
Код *:
Форма входа
Поиск
Друзья сайта
Статистика

Copyright MyCorp © 2024