SITE LOGO
Главная | Каталог статей | Регистрация | Вход
 
Понедельник, 18.12.2017, 05:57
Приветствую Вас Гость | RSS
Меню сайта
Категории каталога
Мои статьи [57]
Наш опрос
Оцените мой сайт
Всего ответов: 171
Главная » Статьи » Мои статьи

СЛОВАРЬ ЭРЗЯНСКОЙ ЭТНОДУХОВНОСТИ
Бабань каша-озкс коната ютавтови атшемковонь29-30 це читнестэ. Сон ютавтови чиполасо(очередьсэ) . ве иесте анокстыть 4-6 кудонь эйсензе сырькайть.Сонзо ютавтома тарказо эрси свал шкань (семс улить кезерень Ознума таркат, васняяк Равонть томбале, конатнень лемдить истя;- Каша пандо – Эрзянь-Добрина, Од -Боризвеле, Пашкина, Иркуль, ды Шумакува велетнень куншкасо- теть велень эрийтне ютавтнизь вейсэ, Бабань кашань каль, Баба каша лисьма . те Орен бург енксонь Северной Буесенть, ды седи тов), касост Озкс кужосонть кавто килей чувтот, веке килеенть ало ютавтови озксось, омбоце киленть ало каванявить од тейтерне ды эйкакшне. Озксонь ютавтомадо икеле нама пурнави анокс, ямкст, товт, медь, сараз алт, аноксок рамави реве, моли печкезь ревень сывельдяк. Озксанокстыцятне озксонь чинень анокстыть брага-пуре, поза, медьарво, соргавкст(котелт) озкск ямонь пидемга, кедьгеть, пенчт-вакант, кечеть , кшируцят, озксруцят, пенгеть;-весе синь усковить лишмесе Бабань Каша Озкскужонтень, киленть Алов стявтови ознопалонь моргась, конатась ацазь озксруцясо, лангсонзо путозь ерьва кудосто Шумбракши Штатол марто, кашат, прякат ды лията ознома ярсамопельть. Эрьва кудазоравась-бабинесь( васня пурнавить сыре. Дова бабат) туи ды путы морганть малас ловсо марто кукшун. Цера ломань озксонть ушодовомсто тердеви ансяк аноксок ревенть печкеме.
ревенть ветясызь анокскевенть малас ды Сырьжась, Сырьжась теи эрий тол, чевтьсэ сыремсы озкстолбандянть кивазьтсы Пазонь Штатолонть пшкади Инешкипазонтень.
Инешкипаз! Вере Чипаз!
Верев кепедьсынек кеденек,
Масторов нолдасынек сюкпрянок.
Тонеть течи озксонок,
Тонь лемс;- аноксонок , озномапалонок.Саик! Паз,чангодть!
Саик! Инешкипаз , чангодть!
Лездыця атясь керясы ревенть кирганзо, веренть нолдасызь анокс чакшос , ды мейле каясызь анокскевенть маласо варянтень, варянть валясызь ашо човарсо, илязо петня верь ковгак лията таркав. Теде мейле лездыцятне сайсызь кеденть анокссонь эстэ понгавсыз пязес, сывеленть керьсесызь пельксень пелькс, знярыя сускомт кадыть кучемлякс –омбоце чинь озксонтенть, кадовикс сывеленть путсызь пиеме соргавксок. Сырьжась сырги Пазонь Штатолонть марто ознома морганть икелев, киварвасьтьсынзе весе туевть штатолтнень ды ушодови озксось. Сырьжась стядо кедензе кепедезь верев, кадовистне-озныцятне куманжа лангсо веси ваныть чиллисема енов.Озксось ушодови Инешкипазонтень Ине озолмасонть. Сырьжанть мельга евтыть веси чекицятне-покицятне озолманть.
Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятяно пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!
Веси колмоксть сюконить модамасторс. Сырьжась пшкади;_Эрьга! Течисэ веленьэрийть, терьдсынек Сэрдянок, ююткозонок, ливасыне лемест, ансыне ознопалсонок.
Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!
Эрьва озныцяссь эсь пачканзо терди, буень Сэрдянзо озксов.Модамасторс сюконякшны.
Сырьжась юты Пазонь Штатолонть марто озкспалморгань велькска, ды ловсо марто кукшутнень ланга теи кавксо колот, чансти эйсэст Инешкипазонь чанстьсенть.
Чипелькс малав омбоце киленть( тейтерь килей) вакс пурнавильть Од тейтерть ды 6-10 иесе эйкакшт. Эрьвекесь мартонзо туиль пенч ды вереек сараз ал, конатне реставить пачалгосо. Бабатне ансызь эйкашнень,од тейтертнень,ды кучсызь сынст весе велень азораватнень. Ознома ямонь пидийтне ,пиезь сывеленть керьсесызь ,явсызь ловажатнень башка очкос, ды сыргить велев азораватнень озксов тердема.
Тень кисэ азораватне максытьь тенс пидезь сараз алт конатнень явилизь кавтов ты пельксень полавтозбь севилизь. Састынькне азоравтне, каша, солавтозь скал ой чакш, шумбракши, пенч-вакан марто пуромить Бабань Каша Озкскужонтень.Кашанть ды Шумракшинть путсызь руця лангс ознома морганть икелев, ой марто чакшонть озкстолбандянть каршо.Мейле эрьва авась синди озкс килейстенть лопа марто тарадке ды тонгсы эсинзе каша марто чакшозонзо.Кавто Озкс Бабат-Сырьжат ды вейке Атя лисильть икелев ды евтыльть озолма Покштятнень_Сэрьдятнень ливамга.
Велень Покштянь--Покштинеть! Велень Покштянь-Покшавинеть!
Сырк мерезе Покштинеть, матразь оймазь киськиненк,
Кепсть мерезе, бабинеть, раужо човаля модыненк.
Ванна тердидизь велень озксов, Кши салонок , варчамо,
Бабань кашадо ярсамо, пурень-брагань корштамо.
Ашо кедьсэ панинек, шожча мельсэ пидинек,
Садо! Весе , садо! Юткозонок совадо,
Ваксозонок арадо,
Иляст уле ве ендо ваныцят, сельмень сявадыцят.
Мезе макстано сень саинк, мезе вештяно сень максынк.

Те озксонть . кода Авань пуре озксонть ютавтыть ансяк сыре ават.
Од аватне ащить ве ено. Сынест озксонть ютавтовомадо мейле кашаньпидийтне кандыльть резтазь алт. Пенчень-пенч сынест анокставт рестазь алонь севемадо мейле од аватне пазморонь моразь сыргить велев.

Балтай чи- Кизень Покшчи, конатась ютавтови Татаронь Масторонь Эрзянь Карамалка Велесе, сонзе ютавтыть аштемковонь 21-це чистэ Чинь Аштема читнестэ, сон алтави лемень –кундамо Велень Озксокс.Лем лувюрозо татаронь кельстэ саезь бал –баллы (медь, медень) той, тай –покшчи.Эрзякс евтамс Медьарвонь тантей Покшчи. Вейке чистэ сюлмавсть Инешкипазне Пшкадема, Сэрдятнень лемест ливамо, Норовавантень, Вирьавантень озкстнень лувост, юрокс те Озсконть Покшчисенть ловови овтокс оршневтема ломанть, Овтось шумбрачинь. Каштанчинь юртешкс. Балтайденть икеле читнестэ аравтови Балтайпрявт, конатанть лангс пры покшчинтень анокстамось,
Озкспалонь пурнамось, лездыцянь кочкамось, инжень тердемась.
Аноксок Балтайчистэнть ракша а печкеви, рамить сывель. Конаньсте велесэнть пидить озс ям, велень эрий кудазораватне, панить-пидить эрьва кодамо озс ярсамопель, прякат, сюкорот. Панжакат, брага-пуре, поза, кашат, теить медьарво. Балтайчистенть эрьва кудонть икеле озкспалморга-стувор анокс марто. Балтаень ушодовомадонть икеле пурнави Атянь эзем, косо велень эрний ломантне, инжетне арсить парот весемене. Теде мейле Озавась ды сонзе лездыцянзо ушодсызь Балтай Озксонть, стить чилисема енов озкспалморга икеле кедьсэст Шумбракши-Балтай лувкши мазы кшируцялангсо, кирвастеви Пазонь штатол, кечесэ, пуре, кедьгинесэ медьарво ды сал. Озавась сэоьгеди:_
Эрьга Велень эрицят-паро ломанть ушодсынек Ине коенть Пшкадтяно тирий Инешкипазонтень.
Озавась евтасы Инешкипазонть Ине озолманть мельганзо ломантне кепедьсызь кедест верев ды евтыть те озолманть.
Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятяно пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!
Веси озныцятне колмоксть модамасторс сюконить ды мерить:-Пазчангодт! Пазчангодт!
Пазчангодт!

Озавась мери: -Прядовсть тундонь сокамо-видематевенек, Инешкипазонтень пшкадинек.Эрьга, терьдсынек Покштянок_Сэрдянок, минек Покшчинтень.
Озавась серьгедьсы Покштянь_Покшавань ливамо-лемень кундамо Ине озолманть.
Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!
Озавась пшкади :- Эрьга лецтясынек, ютазь иестэ тоначив туезь, раськенек. Веленьэриенек лемест.
Пингеде пингес эрямо:- (евтавить ютазь иесте кулозтнень лемест)
Веси озницятнень лемтнень евтамодо мейле серьгедить:-Э-ря-мо!
Сюконить ды эрьвейкесь лецти, кулозь раськензе лемест терди вейсэнь озксов.
Теде мейле озныцятне сыргить Балтаень куринкаванть Балтай вирькужов, Балтай латконть чирева , вирькужо Балтай лисьманть вакс. Икелев Моли озавась кедьсензе Шумбракши, мельганзо ледыцятне, Пазонь штатолонть, озкспалтнень марто, пачкодить
Паксянть чирес ды Озавась тердьсынзе весеь Норавантень пшкадеме чачост –касост видевкстне. Ацави кшируця сонзе лангс путови шумбракши , сараз ал, кедьгесе каша, ды пуре чакшсо. Велень эрийтне стить пакся уманть пес куманжа лангс ды озныть, озаванть марто.

Инешкипаз! Вере Чипаз!
Чангодть! Паз Чангодть!
Норовава-аванок, Норовава –трицянок,
Видезь сюронь ваныйнек,
Сюроментень максыйне!
Вана ацазь руцянок, вана кшинек-салонок.
Сюконинек-пульзинек, сюкприненек
Максынек, мазый леметь кундынек.
Сельминесеть неиимизь, пилинесеть марямизь,
сюкпрянок неик, анокскенть саик, Норовкечеть симик!
Мезе вештяно ,макст, мезьде пельдяно вант!
Вештяно чачи сюрыне, ажияшка олгине,
Алтюжашка зерныне, кенерешка колозке,
Ундокскезесть летькине!
Сюкпря теть, Норовава!
Ваныть душман ломанде, ума межава якийде
Сюрос сюлмонь сюлмийде,
Сюрометень саиде. Ваныть виев вармадо,
Кольстий-пултый сувнеде,
Даволдо , цярахмандо,
ломань пултонь ускиде,пиже чекерь чеменде.
Сюкпря теть, Норовава! Саикая кансткенек, марикая озкскенек!
Пачкодезе-молезе ансяк лезе улезе!
Паз Чангодть! Паз Чангодть! Инешкипаз Чангодть!

Вана каша теть, каить пенш каша ,кепедьсы верев кашамарто чакшонть, озавась мери:-Зняро кашасонть ямкснеде зяроксть ламолгадовозо видевксенек.(каи пуре кечестенть брага масторонть лангс)-вана пуре теть . улест видевкстне ундоксост летькеть. ( вали мода мотс сараз ал)- саразалошка касозо сюро видьменек)- путы шумбрачи кшинь озкспалне кедьпацине лангс- Саик- марик озксонок, тонеть алтаввт озно озкспалонок! Минь тонеть Шумбракши! Тон миненек шумбра –парочи! Сюпря теть Норова , вавакай! Паз чангодть! Паз Чангодть! Паз чангодть! Колмоксть модамастос сюконить веленьэрийтне стить ды сыргить оЗаванть мельга Балтай вирев озкскужов. Пачкодить кезерь пингень укшторонтень , путсызь алонзо озксруця лангс анокснень. Сюлмить эйзензе казненть (кедьпациненть, парсейсюреть ды седи тов) Озавась сти укшторонть икелев ды пшкади вирьавантенть.

Инешкипаз! Вере Чипаз!
Чангодть! Паз Чангодть!
Вирень кирди, вирень ащи Вирява!
Вирьга- укшторга ,тон, якат,
Виренть содасак чувтонь пес,
Виренть якасак, кандонь пес.
Раужо вирьсэ кудот-чить.
Тосо таркат-эземеть,
Вирьга, укшторга тон якат,
Вирень сэрьсэ тееват.
Кода вирьсте тон лисят,
Тикше марто вейкендят.
Покш вирьга якамсто
Чувто ютксто аздават,
Покшпаксяв тон лисят,
Тикше ютксто аздават.
Вирень кирди, Вирява!
Чувтонь –кандонь Паз ванстыця.
Чанстимизь тон ды нолдымизь,
Вирезеть тонь совамо,
Вирьга укшторга якамо,
Вирень эрьме-парочить кочкамо,
Балтай овтонь оршневтеме,
Велень раськенть налксевтеме.
Коень коряс киштевтеме,

Вана туинь теть канстке,
Апокшке озкспал казне.
Иляк емавт монь еном,
Иляст човурявт превень.
Чавонь кедьсэ нолдамак,

Пешксень кедьсэ ливтимак.
Паз Чангодть! Паз Чангодть!
Инешки Паз Чангодть!


Баня-
Баня, те валось кезерень ,эрзянь, теевсь паникудо валстонть. Паряк кавтошка тежат иеть, теде икеле ,эрзятнень ульнесть банясо парямо шлямо коест. Парямо (париться, пар) валтнень юрсояк, маряви эрзянь лувось- унксось, славянтне ,паряк марилизь, кода парямсто, эрзятне пижнильть: -Паро, пек паро! Ды и тесте париться, пар, валось рузонь келенте совась. Ды ведь ,тынсь, содасынк кода паролгады ежозо ломаненть, знярдо сон важодемадо мейле, парынестэ пари, рунгозо лившакады, кежендеяк натой тенстесь ды парямось пансисынзе.
Эрзянь ормань пичкавтыцятне, пек ладс содылизь банянь лезечинть, секскак, улить сядот эрзянь кезерень койть , конататнень содасызь маласо эриця раскетнеяк .

Васняяк таго мелезенк ледстятано седе, кода тынсь содатадо, эрзятнень Пазне озномань койтнесэ , улить истят енкст: эрьва леенть, эрьва эрямо таркань, паксянть, виренть улить кирьдиензе ( духи, ангелы). Эрзянь койтнень коряс эрьва банясонть ули банянькирдий, эрьва велесэнть сонзе лемдить лиякс. Эрси банянь кирдиенте озкст, банянь кирдиенть марто эряви улемс ояксчисэ, кежензе а савтневс, сестэ ансяк сон, лезды теть ды знярдояк лезеде башка зыянов-тевть эстензе а лиснить .

Банянь кирди (Баняава)-Банянь кирдий. Дух хозяин бани.

Банянь озкс
Братчина- рузонь кельсте совзь вал коень ютавтоманьчувтонь кедьге
Буе
Букань озкс,Скалонь озкс-

Валвелявкс

Валнома чи- Кизна пиземе вешема озкс.
Летнее моление о дожде.
Вандола (вандолдомс)
Ванстальма-
Оберег,(ванстамс –оберегать) предмет наделенный духовными силами ,предохраняющий от бед, несчастий и их нежелательных последствий.
Обереги создаются как самими людьми, а так же являются отождествленными объектами природы. Из содаваемых это украшения на которые нанесыны защитные символы, на предметах домашней утвари кадки, ложки. Детские колыбельки, Резные орнаментированные наличники окон, коньки домов, сама национальная одежда эрзян особенная женская это . Из продных объектов оберегающей силой обладают : лапа медведя . котора вешая на хлев, на пасеках обычно ставится шест с лошадиным черепом, которые отпугивают темные силы и предохраняют от сглаза-порчи. У эрзян жилище, двор, одежда. Все создается АО древним духовным сакральным (таинствам) канонам. Это не суеверие а гармронизация взаимоотношения человека с природой, ведь пррода это общий дом, сотворенный Единым Творцом, не только для людей.
Вармава-вармань кирдий, вармань азорава.
Ведьава-ведень азорава.
Хозяка-держательница водной стихии.
Веденькирди (Ведьатя)-ведень кирдий.
То же что и ведьава только в мужской ипостаси.
Ведьпря-
Ведь пря –Живая вода( буквально переводится как верх воды)

Для проведения ритуалов, приготовления ритуальной пищи, используется вода собранная с семи родников, при ее собирании проводится озкс, специальный ритуал. Эта вода имеет кроме всего прочего чудодейственную исцеляющую силу. Давайте познакомимся с этой молитвой и ритуалом.Озатя проводит маленькие озксы, на каждом роднике собирает воду, приносит озкспал-канст ввиде медных монет.

Ведьавань Озкс (Ведь пря саема)


Инешкипаз! Вере Чипаз!
Чангодть! Паз Чангодть!
Веденьгирди Ведява,
Веденьгирди сияка!
Пек васолдо тон лисят,
Пек васолов тон чудят.
Сиянь покольть тонь кеветь,
Парсей суреть тонь нулкот.
Ламо лезе тон кандат,
Коське кургинеть симдят.
Ормат-тарвот сэредийсте тон панят,
Ойместе-рунгсто сэредькстнень
Тон ведьпринесеть шлят -нардат.
Вана сынь тонеть валдо мельсе,
Сиянь –пижень ярмакке теть
Озкспалнекс- казнекс кедьсем.
Макстая тень эсь ведьприненть,
Энялдомам топавтыка,
Сиянть- пиженть тон саика.
Ведьпринеть лезе кандозо,
Шумбрачи тенек максозо.
Паз Чангодть! Паз Чангодть!
Паз Чангодть! Сюкпря ведява казнеть кисе

Вейсеньлув
Весеменьгирди

Ветямовал

Видечи

Видестэ

Велявтомс Инешкипазонтенькадомс пежетнень
, ка

Велень кудо- Велень вейсэнь промкс кудо, косо ютавтневить велень промкстне. Конасо арсевить велень эрийтнень эрямонь,весе енкстне, кода тевень, истя оймеежонь. Неень шкане сонзе полавты вельсоветесь.
Сельский дом, где проводятся собрания(промксы) , выбирается Веленьпрявт –староста села, решаются все насущные как хозяйственные так и культурно-социальные , духовные дела данного села, Внаше время функции Велень кудо, взяло на себя сельский совет.
Велень озкс-ве велень озкс , козонь пурнавкшнынь лемень кундамо, ве веелесэ чачозь ломанть.Велень Озкнеде знярыя (
Общинное сельское моление.

ВеленьАштемковонь озкс, Кизень Вешнема, Килей озкс –Покшчинеде мейле ютавтовиця озкс. Ютавтови сон Велень Озкскужосо, Репештясо, улезе маласо чуди-лисьмаря. Велень промксо кочкави Озксонь прявт, Сонзе кедьга-превга юты веси анокстамось : аноксок ярмаконь пурнамось, аноксонь ракшань, ямксонь, товонь, медень, алонь рамамось.
Брагань пидицянь, торосторонь-ванстыцянь, кечень-кородыень(брагань явшицянь), ямонь-кашань пидицянь аравтомась.
Озксонь чинь валскенть, аноксокс алтавт буканть мазылгавтсызь цецянь-куконь кашстазсо, парсесуресэ, кирьгазонзо понгавтыть баягинеть. Сонзе ветить велень кувалт , мельганзо кильдезь алаша козонь велень эрийтне путыть озкспалост (пидезь-рестазь сараз алт, Шумбракшить, пачалксеть, прякат. Панжакат, чакшт пуре, поза , брага марто.)Пазморонь моразь, нудейсэ, кайгасо седязь, киштезь ;од ломантне тердить весинь Велень Озксов. Буканть ветясызь Озкскужонтень содсызь палманентнеть, анокс кевенть малас. Озатясь теи эрий тол ды сыремтьсы озксонь толбандянть, кирвазьсы Велень Паз Штатолонть. Амульди лисьмапрясто ведь ды прясто пулос валсы буканть, букась сорксты параксты те корты Пазонть мельс аноксось тусь. Озатясь саи кедезензе пеель(конатась тевс нолдтневи ансяк аноксонь ракшань печкемстэ) ды кепедьсынзе кедензе верев озны Инешкипазонтень.
Инешкипаз! Вере Чипаз!
Верев кепедьсынек кеденек,
Масторов нолдасынек сюкпрянок.
Тонеть течи озксонок,
Тонь лемс;- аноксонок , озномапалонок.Саик! Паз,чангодть!
Саик! Инешкипаз , чангодть!

Лездыцятне кирдить буканть, ды анокстыть кирьганзо алов , чакш ков чудезе верезь, илязо петня масторов. Озатясь керясы кирьганзо ды мери:-«Нолдык чумочинек . пазонь ракша, Пазось учи эйсэть. Паз . Чангодть!»
Вересь пурнави чакшонтень ды мейле, каясызь анокскевенть ваксо чувозь таркантень ды сеске валясызь почудсызь ашо чуварсо тарканть.
Лездыцятне кармить анокс буканть лангсто саеме кеденть, ды керсеме явома сывеленть, толбандянть велькска понгавтовить казант-котелт косо ушодови лемень кундамо ямонь пидемась.Озатясь Пазонь Штатолонть марто сырги озкскужонть кункакурос, косо анокстазь озксморгатне-стувортне озкспал марто, куншкасо пуре кече, каша чакш , чакш медьарво марто покш Шумбракши, сонзе вакс путсы Штатолонть.
Озатясь ушодсы озксонть Ине Озолмасо, пурнавозтне одов мельганзо евтыть те озолманть, веси сынь куманжа лангсо, ваныть чилисема енов, кедест кепедезь верев.

Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятяно пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.

Инешкипаз !Чангодть! Паз Чангодть! Паз Чангодть!
Озатясь ушоды чанстямо веси пурнавозтнень те Шумбракшинть эйстэ апокш печьтьске путу озксчувтонть Алов, каи Озксонь кечесте чувтонть Алов, пуре, брага, озныцятне пульзить куманжаланкс ды мерить Паз, саик! Инешкипаз Чангодть!
Озатясь ушодсы Сэрдятнень ливамо Ине Озолманть, нама мельганзо сонзе евтыть веси озныцятне сынь таго куманжа лангсо кедест верев.

Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,илядо ордашкале.
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!

Эрьва озныцясь эсь пачканзо ливи- кунды Покштянзо_Сэрдянзо лемест.
Мейле Озатясь пшкади пурнавозтнене: -Эрьга, эрзят! Ледстясынек эрзянь раськенть Ине ломонтнень лемест:-
Пингеде –пингень эрямо эрзянь Ине кирдиентень, васенце инязоронтень Тюштянень! Весе: -Э-ря-мо! ( Седи тов лецтявить Эрзянь ушмодеенть инязоронть Пургазонь, Алабуга инязоронть, эрзянь меельце Пазмариентень Алексеев Кузьмане ды сди тов) Теде мейле Озатясь евтасынзе ютазь иесте кулозь велень ломантнень лемест.
Мейле штатолонть марто юты-чансти теи колот аноксморгань-стуворнть велькска. Ды терьдсынзе веси озныцятнень, сэрдятнень, ярсамо, брага-пуре копордамо. Теде мейле велень эрийтне невтить Инешкипазонть ды сонзе аравтозь Кирдийтнене, Покштятненень_Сэрьдятненень дока чист раськень моронь морамосо, киштемасо, налксемасо, од цюратнень раськень пелькстамосо, од тейтернень викшнема кедьгесэ. Знярдо озкс ямось аноколь, озныцятне озыть мастораванть лангс буень-буева ды кармить ярсамо лемень кундамо ямдонть. Кадовикс озкспалось сывелесь явшеви нужачисэ-кажосо эрицятнене ды пурныцятнене. Озксонь ютавтома лездыцятне пурнасызь сернясызь озкскедгетнень, сывель ловажатнень валясызь теск анокскевенть малас . Озныцятне састынькине паронь –арсезь срадыть кудова.

Верепаз-Истя лемдекшныть кирдийтнень конатат азорот менелень лангсо.
Буквально с эрзянского переводится как Верховное божезство_Божество верхнего мира

Категория: Мои статьи | Добавил: unknow (09.05.2007) | Автор: Пургазонь Викай
Просмотров: 1186 | Комментарии: 5 | Рейтинг: 0.0/0 |

Всего комментариев: 0
Имя *:
Email *:
Код *:
Форма входа
Поиск
Друзья сайта
Статистика

Copyright MyCorp © 2017