ОЗОЛМАНЬ ПУСМО. ЭРЗЯНСКИЙ МОЛИТВОСЛОВ
Пурнынзе Пургазонь Викай, Татарстан
Ине Озолма
Инешкипаз! Вере Чипаз!
Тон марицясь, кода тикше касы!
Тон неицясь, кода пеште панжи!
Неимизь, марямизь.
Сюконятяно пильгезэть,
Пшкадтяно валдо оймезэть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезэ.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –Шумбрачи!
Ванстомизь, идемизь
Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожда мельнесэ,
Зяро кашасонть ямкстнэде,
Зняро макст эрьвантень ули паро.
Инешкипаз, чангодть! Паз, чангодть! Паз, чангодть!
Покштятненень Ине Озолма
Инешкипаз! Вере Чипаз!
Чангодть! Паз, чангодть!
Эрзянь Покшт-Покштинеть,
Покштянь-Покшавинеть!
Сырк мерезэ, Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо,
Пурень-брагань корштамо,
Ашо кедьсэ панинек,
Шожда мельсэ пидинек.
Садо ваксозонок,
Човоряводо юткозонок,
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Илязт уле сельмень сявадыцят.
Пачкодезэ, молезэ! Паз, чангодть! Паз, чангодть! Паз,
чангодть!
Инешкипазонтень пшкадема
Инешкипаз, Вере Чипаз, мон течи пшкадян тонеть.
Оймем штавтса, прок ансяк чачозь эйде икелеть.
Ули мелем панжомс оймем, евтнемс тонеть седейризксэм,
Кода емси, кода кулы тиринь раськем, чачом келем.
Кодамо сюдовкс –апаро, эрзянь раськенть кундызе,
Коната тонь казненть чанстенть-келенть допрок
емавтызе.
Кумажава пежетьс совась раськем икелеть,
Апак визьде сон емавты тонь Ине эрьменть.
Раськень чувтонть ункстнэ наксадсть,
Койтне-кирдатне рузыить, эрзянсетне каладсть,
Весе эрзянь ломантне икелеть,
Кумажава чумочис совасть.
Репештятнень, Ине Маартнэнь ней сынь а ванстыть,
Покштятнень лемест а кундыть, Озкст а ютавтнить.
Яла вешнить лия Пазт сынь, тонь леметь стувтыть.
Эсь превсэст сынь тунь а эрить, урекс пряст ловить.
Маралят, Марават ней уж масторсонок а чачнить,
Эрзянь валдо ойме ломантнень, уре эрзятне свал
покордыть.
Тонеть кемеманть, тонь койсэ-лувсо эрямонть,
Апаро тевекс ловить.
Инешкипаз! Вере Чипаз, энялдан мон икелеть,
Энялдан тиринь раськем кис, нолдык чумочинзэ,
Лездак панжомс раськентень икелечинь валдо кинзэ.
Эрзянь келесь свал гайгезэ, эрзянь эрямолувось вельмезэ,
Тонь лемесь, ды тонь Чанстесь нильксэкс-штатолокс
тенек улезэ!
Паз, чангодть! Паз, чангодть! Паз. чангодть!
Норовавантень Озолма
Инешкипаз! Вере Чипаз!
Чангодть! Паз, чангодть!
Норовава-аванок, Норовава –трицянок,
Видезь сюронь ваныйнек,
Сюроментень максыйне!
Вана ацазь руцянок, вана кшинек-салонок.
Сюконинек-пульзинек, сюкприненэк
Максынек мазый леметь кундынек.
Сельминесэть неимизь, пилинесэть марямизь,
Сюкпрянок неик, анокскенть саик, Норовкечеть
симик!
Мезе вештяно ,макст, мезьде пельдяно вант!
Вештяно чачи сюрыне, ажияшка олгине,
Алтюжашка зерныне, кенерешка колозке,
Ундокскезэст летькине!
Сюкпря теть, Норовава!
Ваныть душман ломанде, ума межава якийде,
Сюрос сюлмонь сюлмийде,
Сюрометнень саиде. Ваныть виев вармадо,
Кольстий-пултый сувнеде,
Даволдо, цярахмандо,
Ломань пултонь ускиде,пиже чекерь чеменде.
Сюкпря теть, Норовава! Саикая кансткенек,
марикая озкскенек!
Пачкодезэ-молезэ ансяк лезэ улезэ!
Паз, чангодть! Паз, чангодть! Инешкипаз, чангодть!
Толаванень Озолма
Инешкипаз! Вере Чипаз!
Чангодть! Паз, чангодть!
Толонькирдий, толоньаштий!
Толава, парава, сырнень тюс азорава!
Марикая монь озксом, марикая энялксом!,
Ультя тень лездыцякс, апаронь пултыцякс,
Ваньськавтык перькам коштонть,
Ванстымик душман-яттонть.
Пиримик идемевстенть,
Ванстымик ведундо-муницядо,
Стака сельмень сявадыцядо,
Беряненть-апаронть монень арсицядонть.
Зыянонь-кажонть, сюдоманть алтыцядонть.
Толава, парава, сырнень тюс азорава!
Иля уле пултыцякс, иля уле чентицякс,
Ультя валдонь максыцякс, ультя лембень
максыцякс.
Састо палт!Састо палт! Састо, састо,
састо палт!
Сюк тонеть, ды озкспалом!
Тонеть алтавт монь озксом!
Инешкипаз, чангодть! Паз, чангодть!
Паз, чангодть!
Ведьавань Озкс
(Ведь пря саема)
Инешкипаз! Вере Чипаз!
Чангодть! Паз, чангодть!
Веденьгирди Ведява,
Веденьгирди сияка!
Пек васолдо тон лисят,
Пек васолов тон чудят.
Сиянь покольть тонь кеветь,
Парсей суреть тонь нулкот.
Ламо лезе тон кандат,
Коське кургинеть симдят.
Ормат-тарвот сэредийсте тон панят,
Ойместе-рунгсто сэредькстнень
Тон ведьпринесеть шлят -нардат.
Вана сынь тонеть валдо мельсе,
Сиянь –пижень ярмакке теть
Озкспалнекс- казнекс кедьсем.
Макстая тень эсь ведьприненть,
Энялдомам топавтыка,
Сиянть- пиженть тон саика.
Ведьпринеть лезе кандозо,
Шумбрачи тенек максозо.
Паз Чангодть! Паз Чангодть!
Паз Чангодть! Сюкпря ведява казнеть кисе
Апаро вийде чанстямо
Инешкипаз !Вере Чипаз!
Чангодть! Паз, чангодть!
Я, Инешкипаз, Чангодть!
Икельгаяк пирятан,
Удалгаяк пирятан,
Вить ендояк пирятан,
Керш ендояк пирятан,
Пря велькскаяк пирятан,
Пильгалгаяк пирятан:
Илязо педя апарось,
Илянзат тока амазысь,
Витев сельган, кершев сельган,
Верев пуван, алов пуван:
Ванындеряй апарось,
Мариньдеряй амазысь,
Сэльмеэрьгензе лисест,
Пилеварянзо потомост.
Пшкадиндеряй паро ойме,
Варштынь деряй Пазонь сельме,
Сувось келькшесь туезе,
Пазонь чанстьке улезе.
Озолмась пачкодезе-молезе,
Ине ванстальмакс апародонть улезе.
Инешкипаз!Чангодть! Паз, чангодть!
Паз, чангодть!
Банявантень Озкс
Инешкипаз! Вере Чипаз!
Чангодть! Паз Чангодть!
Банянькирди, авакай!
Чочкот тонь прок целковой штатолт,
Кевет тонь сардовтомо-ужовтомот,
Банянькирди, Банявай!
Шли –нарды, нускон-наскон,
Шли- нарды, аванькс ормам.
Парсей теньсэть цяпаить,
Килей лопасот вачкоить.
Зняро шлямокудонть лезе-паро!
Веденть марто экшелян-нардан,
Веденть марто ормась алов туезе,
А шумбра рунгом-оймем верев кадовозо.
Те веденть баня кожовтс каяса.
Банянь васень качамнесь,
Мастор ланга сравтнесы, лато прява канднесы.
Сюк теть Баняава, шлямокудонь азорава!
Шумбралгавтат, ваньськавтат,
Апаро ежонть калавтат Шумбрачи максат.
Кода рунгом, истя оймем яла ваньськавтат.
Паз, чангодть! Паз, чангодть! Инешкипаз, чангодть!
Поладксозо моли ОЗОЛМАНЬ ПУСМО. ЭРЗЯНСКИЙ МОЛИТВОСЛОВ.
Пурнынзе Пургазонь Викай, Татарстан
****************************************
Ведьаванень Озкс (Ведьпрянь саема)
**********************************
Инешкипаз! Вере Чипаз!
Чангодть! Паз, чангодть!
Веденьгирди Ведява,
Веденьгирди сияка!
Пек васолдо тон лисят,
Пек васолов тон чудят.
Сиянь покольть тонь кеветь,
Парсей суреть тонь нулкот.
Ламо лезэ тон кандат,
Коське кургинеть симдят.
Ормат-тарвот сэредийстэ тон панят,
Ойместэ-рунгсто сэредькстнэнь
Тон ведьпринесэть шлят-нардат.
Вана сынь тонеть валдо мельсэ,
Сиянь–пижень ярмакке теть
Озкспалнэкс-казнекс кедьсэм.
Макстая тень эсь ведьприненть,
Энялдомам топавтыка,
Сиянть- пиженть тон саика.
Ведьпринеть лезэ кандозо,
Шумбрачи тенек максозо.
Паз, чангодть! Паз, чангодть!
Паз, чангодть! Сюкпря, Ведява, казнеть кисэ.
----------------------
Апаро вийде чанстямо
*************************************
Инешкипаз ! Вере Чипаз!
Чангодть! Паз, чангодть!
Я, Инешкипаз, чангодть!
Икельгаяк пирятан,
Удалгаяк пирятан,
Вить ендояк пирятан,
Керш ендояк пирятан,
Пря велькскаяк пирятан,
Пильгалгаяк пирятан:
Илязо педя апарось,
Илянзат тока амазысь,
Витев сельган, кершев сельган,
Верев пуван, алов пуван:
Ванындеряй апарось,
Мариндеряй амазысь,
Сэльмеэрьгензэ лисест,
Пилеварянзо потомост.
Пшкадиндеряй паро ойме,
Варштындеряй Пазонь сельме,
Сувось-келькшесь туезэ,
Пазонь чанстьке улезэ.
Озолмась пачкодезэ-молезэ,
Ине ванстальмакс апародонть улезэ.
Инешкипаз, чангодть! Паз, чангодть!
Паз, чангодть!
**********************
Банявантень Озкс
*************************
Инешкипаз! Вере Чипаз!
Чангодть! Паз, чангодть!
Банянькирди Авакай!
Чочкот тонь прок целковой штатолт,
Кеветь тонь сардовтомо-ужовтомот,
Банянькирди, Банявай!
Шли –нарды, нускон-наскон,
Шли- нарды, аванькс ормам.
Парсей тенстьсэть цяпаить,
Килей лопасот вачкоить.
Зняро шлямокудонть лезэ-паро!
Веденть марто экшелян-нардан,
Веденть марто ормась алов туезэ,
А шумбра рунгом-оймем верев кадовозо.
Те веденть баня кожовтс каяса.
Банянь васень качамнесь,
Мастор ланга сравтнесы, лато прява канднесы.
Сюк теть Баняава, шлямокудонь азорава!
Шумбралгавтат, ваньськавтат,
Апаро ежонть калавтат, Шумбрачи максат.
Кода рунгом, истя оймем яла ваньськавтат.
Паз, чангодть! Паз, чангодть! Инешкипаз, чангодть!
****************************
Ташто кудосто од кудов
Юртавань тердема Озолма.
------------------------
Я, Инешкипаз, чангодть!
Кудоньгирди, Юртава,
Керень-чочконь Паз-тиринем!
Сюконян пильгезэть, пшкадян валдо оймезэть,
Марямак, кулямак, сыргатано од кудов-чив,
Адя мартонок вейсэ, иля кадово-мешкондово,
Бути ялго молевлить, сыргак мартонок ялго,
Бути ардозь молевлить,
Сыргак мартонок ардозь.
Шождынестэ сайдтядызь,
Чевтестэ озавттадызь.
Мазы пацясо вельтятадызь,
Козоньгак а правттадызь.
Пазонть марто сыргатан,
Од кудозонок мольдян.
Вейсэ мирем эрятан.
Инешкипаз, чангодть! Паз, чангодть!
Паз, чангодть!
------------------
Од кудос совамсто
****************************
Инешкипаз! Вере Чипаз, чангодть!
Кудоньгирди Юртава,
Керень-чочконь Паз-тиринем!
Од кудос совамсто,
Од таркань чанстямо
Пшкадян валдо оймезэть,
Келейстэ панжить кенкшензэ,
Сэрейстэ кепедить косяконзо,
Макст тенек од кудосо
Шумбра-паро эрямо,
Вадря эйдень трямо,
Улипаронь таштамо.
Ванстомизь-идемизь
Ормадо-тарводо,
Салыцядо-колыцядо.
Апаронь теицядо,
толсо паломадо,
ведьс ваямодо
Эрьва кодамо зыяндо
Кудонькирди Юртава!
Аштек кисэнек кевень пандокс!
Инешкипаз, чангодть! Паз, чангодть!
Паз, чангодть!
Ташто кудосто лисемадо ды те озолманть евтамодо икеле, эряви
анокстамс од парго, чакшке, ацамс эйзэнзэ ванькс нардамине,
евтамс озолманть, озавтомс Юртаванть ды вельтямс ванькс од
пацясо. Од кудов совамодо икеле васня нолдыть панжадо кенкшка
катка, мейле соватсызь паргонть –чакшкенть Юртаванть марто,
штавсызь вельтявксонть ды мерить: «Адя, эно пачкодинек,
Пазонть марто совак, ульть вадря кирдиекс». Мейле почодома
кудонть комолясо, седе сюпавсто ды сэтьмечисэ, уцяскавсто
эрямо карматадо. Кудоньгирдиень апак сае эрямонк а удалы,
эрьва кудосонть сон уле, секс саинк ды путодо тензе мель.
Поладксозо моли Озолмань пусмо. Эрзянский молитвослов.
ОЗОЛМАНЬ ПУСМО. ЭРЗЯНСКИЙ МОЛИТВОСЛОВ
Пурнынзе Пургазонь Викай, Татарстан
-----------------------------------
Калмазырев совамодо икеле Озолма
Инешкипаз! Вере Чипаз, чангодть!
Паз,чангодть! Паз, чангодть!
Калмонь кирдий, калмонь ванстый,
Калмонь Азор –Калматя!
Тоначинь эрицянь тон прявт,
Вана сынь мон (евтави лемесь)
Содавтоманзо, кортнеме мартонзо,
Азорксчизэть нолдтнимик,
Паряк, сэтьмечинть эсь самосон
Мон коласа, паряк, чалган а се таркас,
Энялдан, пшкадян икелеть, нолдык чумочим.
Кольстямс корот арась мелем,
Ансяк паро марто сынь,
Покштинеть, тоначив
Пиже ярмакке теть казнекс,
Зепинесэм мон туинь.
Саик кантскем, саик казнем,
Раськем ливамо нолдымик,
Илямак тандавт, шумбрасто ильтимик.
Инешкипаз, Чангодть! Паз, Чангодть!
Калмазырьсте лисемадо мейле Озолма
Инешкипаз ! Вере Чипаз!
Паз, чангодть! Паз, чангодть!
Калмонь кирдий, калмонь ванстый,
Калмонь Азор-Калматя!
Тоначинь килангсо прявт!
Сюкпря, теть, эзимик тандавт,
Азорксчизэть нолдтнимик,
Паро мельсэ вастымик.
Шумбрасто-парсте ильтимик,
Ливавсь раськем, лемесь кундавсь,
Удодо тоначинь эрийть, кадоводо калмазырьс
Тынк леменк-тевенк, Покштинеть,
Тоначив туезь раськинеть,
Минек марто улить свал.
Минь тынк эйстэ лисинек ,
Тынк веренк, винек сансо.
Кадык нимилявкс ойминенк
Менель Пазонтень туить,
Ды те масторсо Эрийтне,
Вадря лездыцякс улить.
Сюкпря , калмонь кирди-Калмоазор , Калматя!
Кадоводо Пазонть марто!
Паз, Чангодть!
(Чавонь кедть знярдояк илядо совсе калмазырев, калмазырень
ортатнень вить енов свал ертодо знярыяк трешникть,
калмазырьстэ лисемстэ ортатнева лисемадо ды озолманть евтамодо
мейле а эряви варштнемс удалов, кулозень ойметне иляст педя
тенк, калмазырьстэ самодо мейле паро шлямс банясо эли ваннасо) Валскень стямсто озолмась
Инешкипаз! Вере Чипаз, чангодть!
Вана весь прядовсь, од чи ушоды,
Кадык весеменень Сэтьмечи ды Шумбрачи,
Сон максы ды канды.
Вить пильгстэ стян, валдо мельнесэ арсян,
Пазонь Чанстенть марто, таго вейке
Эрямокистэм чи ютавтан мартонк.
Шумбра валске! Шумбрачи! Весеменень парочи!
Паз, чангодть! Инешкипаз, чангодть! Паз, чангодть!
Ярсамодо икеле Озолма
Инешкипаз! Веречипаз, чангодть!
Паз, чангодть!
Инешкипаз !Веречипаз! Тонь шкиневть
Кирдийтне –пазтнэ, эрямонь ащийтне,
Чанстинкая минек морганть,
Кшинек ды салонок, весе ярсавксонок,
Кинь ули мелезэ озадо мартонок,
Варчинкая минек озкспалонок.
Тердьсынек юткозонок Покштя-Сэрдянок,
Весень пекинест пешкедест,
Весень витевест мельнест,
Кши-салонок свал улезэ,
Пачкодезэ-Молезэ,
Пазонь чанстявт улезе! Паз Чангодть!
Мадемадо икеле вень озолма
(Морганть лангс эряви кирвазстемс штатол ды озкстонть мейле
теемс кавксо колот, ярсамопеленть велькска)
Инешкипаз! Вере Чипаз ! Чангодть!
Чизэ валгсь, Чизэ мадсь,
Пазонть марто мадема шкась сась.
Веньаванок паргосонзе, мазый он тенек сон кандсь,
Оном сэтьме улезе, рунгом парьсте оймсезэ,
Видечинть, содамочинть тень, он азорось,
Невтьсы ды казьсы! Паз, чангодть!
Весеменень шумбра онт!
Ярсамодо мейле, эряви меремс истя:
- Сюкпря Инешкипазонтень!
Кши-салонок чанстямга, пекенек пештямга.
Сюкпря весе кирдийтненень -
Пазтнэнень, ярсамопелень максомга.
Свал истя улезе! Паз, чангодть!
|
