Апаро вийде чанстямо. -

Чанстить ки лангов, ушмов, туицятнень, мирдене лисицятнень, урьвакстыцятнень,
сэредицятнень,

тевень ушодыцятнень. Чанститцясь, путы Шумбрашки, сал салдырьксэс, чакшос каяви
поза ды медьарво. Истямо коень ютавтомсто мереви кирвастемс Атянь штатолось.
Чанстицясь аноксты коинзамо пеель, ды коинзамо чакшос каи ведьбря. Чанстявицясь
сти куманжа лангс морганть икеле ванны чилисема енов. Чанстицясь кирвасьтсы
штатолонть ды те озолманть евтазь штатолсонть теи чанстявицяенть рунгонть
велькска кавксо колот, мейле сайсы кедезензе пееленть ды чанствицянть озолманть
евтазь пири пеельсэнть, меельцекс шлясы –нардасы ведьбрясонть.

Инешкипаз !Вере Чипаз!

Чангодть! Паз Чангодть!

Я, Инешкипаз, Чангодть!

Икельгаяк пирятан,

Удалгаяк пирятан,

Вить ендояк пирятан,

Керш ендояк пирятан,

Пря велькскаяк пирятан,

Пильгалгаяк пирятан:

Илязо педя апарось,

Илянзат тока амазысь,

Витев сельган, кершев сельган,

Верев пуван, алов пуван:

Ванындеряй апарось,

Мариньдеряй амазысь,

Сэльмеэрьгензе лисест,

Пилеварянзо потомост.

Пшкадиндеряй паро ойме,

Варштынь деряй Пазонь сельме,

Сувось келькшесь туезе,

Пазонь чанстьке улезе.

Озолмась пачкодезе-молезе,

Ине ванстальмакс апародонть улезе.

Инешкипаз !Чангодть! Паз Чангодть!

Паз Чангодть!

Максы тензе пенчсэ медьарво, шумбракшинь паморькс, ды копордавсы позадо, ды кази
икелев анокставт ванстальма (чувтос керязь, кедьпацинесь викшнезь эрзянь
ванстамо пазонь тешкст). Ки лангов туицядонть мейле а мереви шлямс , теньсемс
кияксонть вадыс, знярдо сыргицясь видь пильгсэ лиси кеншка, колмоксть вить
кедьсензе токасы вить кенкш ёнксонть. Частицясь мери; -Кода шумбрасто, парсте
лиси кудостонть, теке шумбра-паросто велявтозо! Паз , чангодть!Инешкипазонь
чанстесь ды сэрдятнень лезксэст улезе

мартонзо! Паз. Чангодть! Паз.Чангодть! Паз, чангодть! Ортава лисемадо мейле
валыть ведьбря ушов ды мерить –Кодама виев ды ванькс вадьбрясь, истямокс улезе
тевезе, кизе! Паз, чангодть! Ортасто кудосто лисемадо мейле, а мереви варштамс
удалов.

Благословение , защита от темных сил, отправляющихся в дорогу, брачующихся.
идущих армию, начинающих какое-либо дело. Благословляющая(ий) , обычно мать,
бабушка, дед, отец или один из супругов , ставят на стол ритуальный хлеб, с
солью, медовый напиток, зажигают. свечу , разрешается зажигать Родовую свечу,
ритуальный напиток позу, в чашку наливается живая святая вода –ведьбря,
ритуальный нож..

Благословляемый становится на колени лицом на восток перед столом.
Благославляющая сначала свечой, делает защитные круговые движения по ходу солнца
над благословляемым, произнося защитную молитву, затем то же действие производит
держа в правой руке ритуальный нож, под конец омывает , обрызгивает живой водой.
Дает глоток ритуального напитка, живой воды, кусочек ритуального

хлеба.Дарится заранее приготовленный амулет-оберег ( вышытые на платочке,
вырезанные на липовой или яблоневой дошечке, охранные эрзянские символы-знаки).
Отправляющийся из дома должен переступить правой ногой через порог и три раза
правой рукой коснуться дверного косяка. Благословляющая говорит при этом ;-Как в
добром здравии выходит из дома, пусть таким же и возвращается! Сила создателя,
помощь предков. Да, пребудут с ним! Инешкипаз, благослови и сохрани!

Когда уходящий выйдет через ворота двора, благословляющая выплескивает живую
воду вслед за ним и говорит;- Как чиста и сильна , эта вода! Пусть таким же
будет его дело и путь! Создатель, благослови и сохрани.

В течении суток нельзя дома не мыть, не подметать полы.

Молитва оберег, благословение и защита от сил зла.

О, Инешкипаз! О, Великий Творец!

Благослови дитя свое, сбереги его, сохрани!

От чар темных сил, от всякого зла, дитя свое огради!

МАНЬ ПИЧКАВТОМА КОЙТЬ БАНЯНЬ ВЕЛЬДЕ( ЭРЗЯКС)
i« Ормань пичкавтома койтне, банянть вельде»



Баня, те валось кезерень ,эрзянь, теевсь паникудо валстонть. Паряк кавтошка
тежат иеть, теде икеле ,эрзятнень ульнесть банясо парямо шлямо коест. Парямо
(париться, пар) валтнень юрсояк, маряви эрзянь лувось- унксось, славянтне ,паряк
марилизь, кода парямсто, эрзятне пижнильть: -Паро, пек паро! Ды и тесте
париться, пар, валось рузонь келенте совась. Ды ведь ,тынсь, содасынк кода
паролгады ежозо ломаненть, знярдо сон важодемадо мейле, парынестэ пари, рунгозо
лившакады, кежендеяк натой тенстесь ды парямось пансисынзе.

Эрзянь ормань пичкавтыцятне, пек ладс содылизь банянь лезечинть, секскак, улить
сядот эрзянь кезерень койть , конататнень содасызь маласо эриця раскетнеяк .

Васняяк ,эряви евтамс седе, кода тынсь содатадо, эрзятнень Пазне озномань
койтнесэ , улить истят енкст: эрьва леенть, эрьва эрямо таркань, паксянть,
виренть улить кирьдиензе ( духи, ангелы). Эрзянь койтнень коряс эрьва банясонть
ули банянькирдий, баняатя, эрьва велесэнть сонзе лемдить лиякс. Эрсильть тагояк
банянькирдиенте озкст, банянь кирдиенть марто эряви улемс ояксчисэ, кежензе а
савтневс, сестэ ансяк сон, лезды теть ды знярдояк а угарият.

Кодат койть , пичкавтомат ютавтнесть эрзянь ормань пичкавтыцятне: Те эрьва кодат
пеке ормат васняяк, чачтыця аватнене лездамо коесь, а чачтыця аватнень пекень
витема ачачтый ормань панемась, карязонь-кутмерень витемась, эзнестэ лисевть
ловажатнень тарказост аравтомась, осудонь пичкавтомась, нарфутцень ды якшамос
понгозь орматне. Теке ладсо ульнесть эрьва кодат мунямонь койть, конатнень
вельде васняяк тейтерькатненень мунильть сы чидест, ды поладост. Ульнесь теке
ладсо пей ормань пичкавтома коесь. Веси теть койтнеде мон евтнян тенк, неень
шканестэяк, сынь ,пек лезевт, паряк ламотне эзденк сайсызь мельс ды шаштавсызь
-пичкавтсызь ламо орматнень, конатат неень шканеяк медицинанте а пичкавтовить.

Знярдо банянть терявтнесть уштомо, кодамояк сэредицянь ормань пичкавтомо,
тердилизь Ормань пичкавтыцянть, сеедстэ тэ ульнесь ава ломань. Васняяк теевиль,
ютавтовиль кудонь –буень озкс, кирвастевиль буень Пазонь штатолось, эрьва буенть
ульнесь истямо штатолозо, коната кирвастневиль ансяк сестэ, знярдо
кудонте-буенте сыль кодамояк зыян, ды Кудонь, Кардазонь, озкснень ютавтомсто, ды
велень озкснень ютавтомадо мейле свал ютавтовиль озкс , козонь пурнавильть буень
раскетне. Кудонь -буень ,од штатолось свал чанстявиль кирвастевиль Маронь,
велень Ине Пазонь штатолстонть. Те штатолось теевиль эчкестэ ,вирень мешкень
штасто.

Эрьва озксонь теемадо-ютавтомадо икеле анокстыль Озкспал, панильть ашо кши,
теильть пуре, печкильть сараз, эли кодамояк лия кудонь ракша, тесэ эряви меремс
седе вирь ракша знярдояк эзь ульне теть озкснесэ Озкспалокс, андямонь Озкснеде
башка. Эрьва буенть раскетнень, ульнесь эсинзе Пазларезе ,косо ванставильть апак
токше Штатолось, вакантне, пенжтне, руцятне- нардамотне , конатат токшевильть
тагояк эряви меремс ансяк Озкснень ютавтомсто, эрьваньть эйсэ ульнезь керязь
васняяк Пазонь тешксесь ды буень. Эрьва буенть ,ульнесь эсинзе тешксезе, кудонь
чапицятнень сеедсте ульнесь узере керязь, Озксветитця буенть штатол ды седи тов.

Вана ,тердезь Ормань пичкавтыця ломанесь, валске уставилизе коенть Чилисеманть
марто, кудопотмось икеле чинть, урядазель ваньскавтозель, морганть лангс
путозельть Пазнардамо, Штатолось ды Пазонь палось , чилисема енов ваныця
вальманть икеле. Ормань пичкавтыцясь, кирвастелизе штатолонть ды ютавтовиль
озкс, васенце озолманть коряс, те озксось ульнесь вейсень, тердивильть буенть
–раскенть Атянь-сэрдянь оймне ,ды кундавильть сынст лемест, кадык сыньгак
лездыть сэредицянте. Теке ладсо ,Ормань пичкавтыцясь саилизе кедезензе
штатолонть, ды эрьвейкень чанстилизе колмоксть ютавтолизе прянзо велькст
,кершендо вить енов. Теке ладсо ульнесь сувтамо кой, тяпор тикшесэ, сувтавиль
кудось , кардазось ды эрьва ломанесь, энялдсть Пазонть икеле ,максом шумбрачи,
чачи ракшат, сюпавчи веси раскенте-буенте. Мейле чанстявильть ведень
кандлицятне, ды пенгень керицятне, анокстыцятне, банянть уштомга. Ведень
кандлицятнене максовиль пал ведьаванте,

Знярдо, ведесь ульнесь, кандлезь, пенгтне тонгозь банянь каштомонте ,банянь
уштомо анокстамо сыргиль ормань пичкавтыцясь, пенгтне кирвастевильть
штатолстонть, саевиль пал банянь кирдиенте, ды тосо ормань пичкавтыцясь
ютавтнесь ськамонзо озкс .

Почонь-пекень витема. Стака важодямадо, стакасто кепедемадо, ды апарсте прамодо
мейле, эрсильть кода мерильть, пеке ормат. Ды теке ладсо истя лездыльть васняяк
а чачтыця аватнене. Васняяк ормань пичкавтыцясь, штупилизе кода почосонть чави
верь санось, мейле эжели сон чавиль берянстэ, вешнилизе ков валгсь почось.
Анокстыльть апокшке кукшунне , сонзе путнилизь почонте , пекень ливчакавтомадо
–витемадо мейле. Сэредицянть мацтякшнызь полог лангс , ладске парилизь, знярдо
сэредицянть рунгозо лившакадыль, кармильть пекенть кедьсэ лившакавтомо, мусызь
веси , кода мерильть, пиезь веренть, пекестэнть, а паро сантнень, конатат
кирдить сюлотнень, седи шожча лившаквтоманть теемга пекенть, кезерь пингсэ
ваднилизь ракшань потмо ойсэ, знярдо кармась улеме сапунесь ,сестэ сапуньсэ.
Знярдо пекесь чевтемгадыль почонть тарказонзо озавтомга, сэредицянть саилизь
пильгте, ды рестиилизь сорновтнилизь, седи парынестэ сюлотнень, тарказост
путомга. Ульнесь истямо койгак банянь пологонь краень ,лазонть ваднилизь ойсэ ,
эли сапуньсэ ды сэредицясь, пеке алксонзо, понгавтылизе те лазонте ды
састынькине новолиль масторов. Мейле пекень витицясь таго варчализе-штюпилизе
почонть, кода сон чави, верень санось арась тарказонзо эли эзь, мейле мадстилизь
сэредицянть кутьмерензе лангс и пекенть лившакавтыльть , витть ендо керш енов,
ды пеке алгсонть панильть пурныльть почонте. Кода, те веси теезель , эряволь
почось педавтома тарказонзе, кирвастильть тол ды путыльть почонте авуль пек
покшке кукшунне эли жо чугунне, неень шкане путнить банкат, кеменьшка минутас,
мейле , знярдо ,каилизь путовт кукшунонть , штупилизь таго почонть, лац эли
авуль сон чави, лившакатнилизь таго пекень, вить ендо кершев. Шлилизь
сэредицянть , оршавтнелизь ванькс од оршамопельсэ, ульнесь истямо мель эжели
ломанесь оршасы таго , муськезь улезеяк деряй оршамопелензе, пеке ормась таго
педи , мейле сюлмилизь пеке алксонзо кеместэ руцясо, кепедезь почонте аштемга,
почонть тарказанзо педямга. Эжели пеке ормась ульнесь а умонь, сатыль вейке
баняяк, эжели умонь ды стака , ушнильть сисем банят , колмо-колмо чинь ютазь. Те
пекень витемась лездыль ламо ормадо, истят кода ( атония кишечника, гастрит,
холицестит, опущение органов брюшной полости, холецестит, панкреатит, колит
эрьва кодат, спайкат, грыжат, бесплодие- веси авань орматне, коцянонь лисема –
геморой,) ды седи тов. Секскак, мельвановикс ловныця,т саинк мельс те минек
эрзянь кезерь пингень ормань пичкавтома лезксэнть ды пичкавтодо эсинк пеке
орманк.

Банясь теке ладсо ульнесь васенце лезень кандыцясь, кутмерень карязонь
орматнедеяк. Тэсэ эряви евтамс седе эрзятне кезерь пингестэ анокстыльть авуль
ансяк килеень теньсь, тумонь ды пичень. Мейле тынсь чарькодьсынк мезекс сынь
эрявильть.

Сэредицянть туилизь баняв, пологонть лангсо сон парынестэ ливезькадыль. Мейле
парилизь , васня килеень теньсэ, икеле арсильть, килеесь максы ормаманькс ды
ваньскавты рунгонть- ойменть, теде мейле парилизь пичень теньссэ, пичень
салмуксне пупсилизь рунгонть кармавтылизь веренть сантнева седи лац чудеме, ды
эрьменьть , ломаненть рунгова чуди авуль ансяк верь, васняяк эрьме ( биополе,
энергетические каналы). Те пичень теньсэ парямось, пек моли Китаень Ды Тибетень
Чжень-цзю терапиянть енов. Мейле парилизь тумонь теньссэ, тумось виень максыця
чувто, сэредицянте эряви васняяк вий, орманть шаштавтомга.

Теде мейле, ормань пичкавтыцясь кармиль витеме кутмеренть , карязнень, вешнеме
лисезь эзьнестэ ловажатнень ды путомост аравтомаст тарказост, паряк часошка,
сынь ветясть истямо тевенть. Тесэ эряви евтамс тагояк парямодо ды ловажань
витемадо икеле, сэредиця рунгонь таркатнень ,ваднилизь идем ракшань сюло-потмо
ойсэ , пек вадряль молиль тенень овтонь, барсуконь, молиль теке ладсо тувонь
потмо оеськак. Ульнесь истямо мель, потмо оесь, чевтемгавсынзе седи ловажатне ды
паро мейле сынст витемс.

Знярдо ловажатне ульнесть тарказост аравтозь, сэредицянть таго парынестэ колмо
теньсэ парилизь. Шлилизь ванькс оршамосо оршневтилизь. Кудосо мейле симдилизь
лакавтозь пси ловсодо, човазь кшумань марто.

Тесэ эряви евтавс истямо койдеяк, кинь ульнесть нешке пирензе , банясо середиця
таркатнень лангс каиль мекшень руця , руск мерить прополюс, вана те мекшень
руцястонть прополюсось веси солыль ды совиль рунгонте, сон канды покш лезе.
Ульнесь истямо койгак, кутмерень витемадо мейле ды вадрясто парямодонть мейле,
сэредицянть кутмеренть, ваднилизь човазь кшуманьсэ ды медьсэ, те сэредьксэнть
бойкасто панилизэ, ды вадрясто эждилизе рунгонть.

Покшям евтеманзо коряс, ульнесь истямо койгак, банянь кеншенть панжилиь,
сэредицянть каилизь поровонть трокст, прязо ушов лисевель, кутмерензе лангс
путыльть теньсть, ормань пичкавтыцясь саиль кедезензе узере, кармиль керямо
састынкине теньстенть, ды ловномо –кортавтома:

- Тонь Инешки Паз! Вере Чипаз, лездак тенек, макст вий ды чаньсть!

- вийсэт, чаньсэт, керясынек, пирясынек орманть-тарвонть!

- Улезе шумра Пазонь ломанесь, тонь вечкецясь ды тонеть кемицясь … ( тесэ
евтавиль сэредицянть лемезе).

- Минь тонь виийсэть чаньтсэть, авуль теньсть керятано а сэредьксэнь, орманть
пирятано-керятано.

- Орманте те рунгостонть туема, сэредьксэньте-чулксетьксэнте пирявома,
прядовома!

- Эрязо Пазонь вечкицясь, тонеть кемицясь шумбрасто!

- Паз чангодть! Паз чангодть! Паз чангодть!

Теде мейле таго парилизь сэрэдицянь ды ветилизь кудов, вана истят койтне пек
лездыльть, ды сэредицясь вейке-колмо банядо мейле пичкиль ды сэредьксэзе ормазо
прядовиль. Сеедьстэ кутмерень карязонь витемстэ ормань лечицясь, сайнесь
верень-санонь ды ловажань витема-петема кедьенкс, те ульнесь валаня кевне
конатань мукшнызь лей чирестэ.

Кода мерикшнынь васняяк банясо витильть эзьнестэ лисезь пильгень кедень
ловажатнень дяк. Теке ладсо сынст витемадо икеле эрявсь ливчакавтомс рунгонть,
мейле эзьнень витицясь вешнилизе кона таркастонть ловажась лисезель ды
ноцковтозь эли стмбарна путыли-аравтолизе ловажаньть тарказонзо. Сеедьстэ эрсиль
истяяк ловажанть витемадо мейле сюлмильть керь витезь эзнетнене ловажатнене
котошка чис, седи вадрясто ловажанть –эзненть тонатомс мекев тарказонзо. Эзьнень
лисемась те пек середиця тевесь, секскак знярдо ютавтовиль те коесь ормань
пичкавтыцясь каиль банянь каштомонте жартне лангс карво-пангонь почт, теть
почтнэ стувтовтыльть сэредьксэнть ды максыльть а пелемачи.

Банясо тагояк пичкавсть пеень сэредиматненьдяк. Баня чакшос, лаки ведьс каильть
пель коморшка, дурак тикшень (белена, дурман) видьмет, озавтылизь пеень
сэредицянть панжадо кургот, чакшонть икеле, вельтилизь прянзо руцясо ды
кармавтылизь лексеме панжадо кургт те паронть икеле, ютыль пельчасошка шка ды
пеень чулксетемась прядовиль, лексеманть шкасто сэредицянть кургсто чудильть
човт и човтнень марто прыльть пеень сукскет, сынь авуль покшкет,
Покштятнень-Бабатнень меремаст кувалма, теть самай сукскетне и сэвить пейтнень.
Мон моньсь неень шкастояк пичкавтнян эсинь пейормам истя. Эряви меремс седеяк
,монень знярдо авам невтизе те орма пичкавтома коенть, сеть шкатнесте мон
тонавтнилинь мед. Техникумсо, васня пек абунгадынь ды эзинь кеме, кодат сукст.
Мейле знярдо васенцеде эсинь лангсо те коенть теия ды варчия, сесте карминь
кемеме. Тесэ эряви меремс седе середьксэсь пейсте туи, ансяк мейле эряви молемс
омбоце чистэ пеень врачонте, путомс пломба, ато мейле пеенк пломбавтомо калады.

Знярдо койтне банясо прядовильть, ормань пичкавтыцясь евтыль сюкпрят ды озолма
банянь кирдиенте те ютавтовиль истя.

-Банянь кирдием, Банянь аштием ,марик сюкпрянь валом!

-Лездамот, парстэ вастомат кисэ! Нолдык чумочинек эжели колынек мелеть.

- Вана теть кадан ведьне, теньстке паряк шляк ,ды тагояк тенек лездак! Паз
чангодть!

Кадыльть теньсть ды баня чакшсо ведь, пичкавтома койденть мейле се чистэнть
баняв кияк эзь яксэ, кадылизь оймсеме лездыцянть, банянь кирдиенть.

Эрзянь ломатне, черест судрямодо мейле, кенжест свал пултылизь банянь каштомсо.
Ульнесь истямо мель-арсема, апаро вийтне мусызь ломаненть черень, кенжень ,
кувалма эжели сынст ертомс ков а эряви.

А толось пултасы а невсы ломаненте янонть апаро вийтнене. Эжели сезьган эли
лията кодамояк нармунь мусынзе череть ды теи эстэст пизе, карми сэредеме прят,
ды пилесэть кармить улеме эрьва-кодат гайть.

Веси Покшчитнень ютавтомадо икеле, килангов сыргамодо ды тевень ушодовамодо
икеле свал шлильть банясо. Эрзятне мерильть банясь шлясы валодомгавсы авуль
ансяк рунгот, васняяк ойметкак.

Вечкевикс раскеть, мон снартнинь тенк невтемс кой-кона банянь койтнень, сындест
пек ламо, видьсте меремс тесе невтевсть тень пеленть пеледе аламо, секскак ули
мелем, тагояк сермадомс сындест.

Минек раскенть пек сюпав , ютасьчизе. Те сюпавчись, содамочись мейсыяк а явови ,
лия покш раскетнень сюпавчидезт, а месть сепомс минь седи ламо содатано
Тибетень, Китаень, ды лия раскетнеде, а эсинек сюпавчиденек допрок мезияк а
содатан, секскак эряви содавтомс раскень сюпавчинек марто кода эрзятнень, истя
лия раскетненьдяк. Модамасторонть лангсо арась вейкияк а эрявикс, раске, покш ли
сон улезе , вишкине ли , эрьва раскесь мазылгавты эсь койсензе, содамочисензе
веси Модамасторонь цивилизациянть, секскак, те цивилизациянте, эряви ванстомс ды
кепетемс веси раскетнень содамочист ды культураст. Минь эрзятне, мекс бути яла
шаштано эсинек Покштятнень ункснестэ, виздяно кортамо тиринь кельсэ, пельдяно
эрзякс пшкадеме Пазонте, макстано религиянть пельде, стада ваныцятненне , тапамс
минек сюпавдояк сюпавт Пазне кемема койтнень, ды эрямолувонь содамочинть
паргонть.


Защитные круги, над ним делаю я,

Да оградят в пути, они от всякого зла.

Делаю спереди, сверху и с зади,

Слева и с права и под ногами.

Сила Создателя , помощь от предков,

В таинстве этом, присутствуют с нами.

На верх и на низ , силу я дуну,

На лево я плюну, на право я плюну,

Всякую нечисть с пути его сдуну.

Доброе здравие, силу , удачу,

Помощь предков, в делах в придачу,

Защитой и твердью, оберегом мощным,

Да, будет молитва эта всегда!

Инешкипаз-Великий Творец! Благослови!